2011年10月16日 星期日

週日放輕鬆:《貪貪貪》

星期日,想放鬆神經,最好聽聽歌。

早兩天寫《警鐘為誰而敲》,其實一半是為了想播播這首陳慧嫻的跳舞經典:



以呢個形象响中環鬧巿載歌載舞,真係能人所不能,單睇圍觀巿民反應就知陳小姐魅力沒法擋!其實馬戲裝扮比較適合拍遊樂場廣告,不過廣告片個碌反而收斂咗喎:



可能呢首歌夠開心,响《幾時再見演唱會》同《變、變、變變變》兩溝做咗握手歌 (1'40"起),仲feature埋陳爸爸同琴姐李香琴,大家高興到成首歌唱咗等如冇唱囉:



呢首係少女歌,今時今日好難想像即使真係可以振作起來不住怨婦街嘅陳小姐點樣再唱得返。好彩有佢:



哇,連髮型都致敬埋!30/7/2010演出,呢一刻點擊人次44,193!邊唱邊問:大家識唔識呀?喂,咁推法,原本唔識都變識喇:



15/11/2010上載,呢一刻點擊人次296,714!哇噻!陳小姐應該可以老懷大慰囉!

話時話,本來《粉紅Tee大笨賊》條片好閹悶架,剪輯過再加埋呢首經典做配樂,即刻醒神過暮估晨鐘。唔通背後係糖妹發功??



3 則留言: